Nüigkeite.

Leider wird ich ab sofort nümme als Babyfotografin im Spital Schwyz tätig si, da sich s Spital entschiede hed, d Bilder ab jetzt selber z mache. 

Ich beduure das sehr, da ich die Arbeit während knapp 7 Jahr mit sehr viel Herzbluet und Engagement gmacht han.  

S schaffe mit de Babys und ihrne früschbachne Eltere, sowie d Zämearbeit mitem Team vode Geburtsstation wird ich sehr vermisse, und ich danke üch vo Härze für s Vertruue und d Ziit, wo ich mit üch han dörfe verbringä. 

Nach wie vor isch es en Härzensaglägeheit vo mier, a allne früschbachne Eltere es chliises Shooting ide erste Täg nach de Geburt azbüüte.  

Drum ha ich mich dezue entschiede, dass ich näb mine grosse Shootings, wo ich ide Natur und bide Familie diheime mache, au es Mini-Neugeborenen-Shooting bi mier im Atelier abüüte.  

Alli Infos dezue findet ier bi mier jetzt i de Familiegalerie unter Agebot! 

Ganz nüü büt ich auf de Familiepass a. Au zu dem findet ier alli Infos ide Familiegalerie unter Agebot. Ich freue mich scho sehr uf ganz viel Familiezauber mit üch.

Sobald d Corona-Krise dure isch, und ich wieder normal chan schaffe, dörfed ier üch sehr gärn bi mier mälde zum en Termin abmachä.