Rosita & Patrick

Amene wunderschöne Früehligsabig hend mich d Rosita & de Patrick z Schwyz bsuecht. Da ha ich mit ihne es Shooting dörfe machä, bevor mier denn de Tagesablauf vo ihrem bevorstehendi Hochziit besproche hend. Mier isches immer bsunders wichtig, mit "mine" Bruutpaar vor ihrem schöne Tag einisch zämezhöckle, ihres bevorstehende Hochziit z bespräche, Kaffi trinke, und wenn ich für s Hochziit ab 10 Stund buecht wirde schänk ich ihne au nu gärn es InLove-Shooting im Voruus dezue. Dur das wüssed sie auch scho wie sie sich vor minere Kamera afühlt und s "zämeschaffe" , sich möglischt natürlich zverhaltä vor de Kamera am Hochziit klappet au grad vo Afang a viel besser und s gegesiitige Vertruue isch da! :-) Am Hochziit sälber bin ich eini vo dene Persone, wo de ganzi Tag am nöchste bim Brutpaar wird sii und drum gnüss ichs immer sehr, dass ich "mini" Bruupaar scho vorher dörf kännelerne und natürlich au grad immer die ganzi Gschicht um sie z erfahrä: Wo hend sie sich känneglernt? Wie lang sinds scho es Päärli? Heds en Atrag gä? Gahts aschlüssend id Flitterwuche? Und und und...:-) Ja, da bi ich en Gwundernas und das wird sich glaub ich au nie ändere..:-)! Am kommendä Samschtig dörf ich de Tag mit de Rosita und em Patrick gnüssä und ich freue mich scho ganz fescht druf!