Karin & Benjamin

D Karin ha ich vor es paar Jahr amene Style-Shooting dörfe kännelerne. D Gabriela & ich hend en wunderbare Tag mit ihre dörfe verbringä und bis hüt ha ich nu es Shooting mit ihrem Brüeder, eis mitere Fründin und im letschtä Jahr au nu eis mit ihrem Schatz, em Benj dörfe machä. S Shooting vode Karin & em Benj isch genau a dem Wuchenend es Jahr här. En wunderschöne Herbsttag hend mier dete breicht und nu niemert hed denkt dass mier gnau eis Jahr spöter wieder wärdid zämecho. Jetzt, das Wuchenend und nämlich gnau eis Jahr nachem erstä Shooting mit ihne Zwei dörf ich amene wiitere wunderbare Ereignis debii sii. D Karin & de Benj gänd sich nämlich de Samstig s JaWort und ich freue mich riesig uf de ganz sicher wunderbari Tag mit ihne im Ürnerland. :-) Bim Shooting letscht Herbst wär eigentlich plant gsi, dass die zwei ihre Oldtimer mitnämid, das hed denn jedoch churzfristig nid klappet, was aber überhaupt nid schlimm gsi isch. Das hend mier nämlich eifach im Früehlig nachegholt und en Iblick vo dem wunderbare Shooting zeig ich üch da sehr gärn.