Carla & Dave

D Carla & de Dave sind eis vo mine Summer-Bruutpaar. Die Beide fiired genau hüt i vier Mönet ihre schöni Tag und ich freue mich jetzte scho ganz fescht druf! Im Januar ha ich mit ihne bimene InLove-Shooting en sehr schöne und sehr luschtige Namitag dörfe verbringä. Plant hemmer es Winter-Shooting, im beschtä Fall mit viel Schnee und Schneeflocke. De vieli Schnee hemmer denn chli ide Höchi obe gfundä, nur so richtig schniie heds nid wellä. Es paar wenigi Schneeflöckli heds nu gä, aber da mier üs grossi Schneeflocke vorgstellt hend, hends d Carla & de Dave am Schluss eifach nu "chli" meh uf sich la "abeschniie" ! :-) Beidi machid sehr gärn Musik, da hed d Gitarre am Shooting nid dörfe fähle. D Carla isch sogar ca. füüf Mal im Jahr uf Hochziite azträffe und au sehr z empfähle, das cha ich üch garantiere, da ich sie auch scho ha dörfe ghörä! :-).