Tamara & Flavio

Es isch en sehr heisse und schier wolkelose Tag gsi, wo sich d Tamara & de Flavio im Juni s Ja-Wort gä hend. Für d Trauuig hend sie sich d Kollegi Chile in Schwyz usgsuecht. Perfekt wemmer öppis im Talchessel suecht wo nid zgross und gliich sehr stimmigsvoll söll si!D Tamara isch en wunderschöni Bruut gsi wo ihri Haar eifach so treit hed wie immer, nur chli glockter! D Dekoration isch au richtig schön gsi mit de vielne Hortensie und es paarne Pfingsrose. Eifach alles sehr sehr stilvoll und so wies zu ihne passed hed. De ganzi Tag dure hedmer gar nid gross en Wolke gseh,d Sunne hed schier so starch wie s glückliche Bruutpaar gschiinet. Alli Fotografe wo das läsid (wenns üch da usse gid wo min Blog gärn läsid:-)) wüssed, dass das für s Bild gar nidmal so dankbar isch! Umso glücklicher bin ich gsi, wo die Zwei mit mier ganz schnell füf Minute zwüschet Vorspies und Hauptgang gnutzt hend zum s perfekte Abiglicht izfange!:-)

Tamara & Flavio ich wünsche üch uf üchem wiitere Wäg wo ier s Zweite wärdid ga nur s Allerbeschti und danke üch vo Härze, dass ich üch a üchem schöne Tag han dörfe begleite!