Sonja & Silvan

Es isch wohl vom Wetter här de schlimmschti Tag gsi vo dere Hochziitssaison! De 1.6.13. Es hed grägnet und grägnet und grägnet und denn hets nu.. ah ja, : grägnet! D Stimmig vode Sonja und am Silvan isch wäge dem aber überhaupt nid schlächter gsi. Bi ihne zwei hedmer richtig gmerkt dass sie eifach wahninnig glücklich sind, de Tag mitenand chönne z fiirä.

S erschtämal gseh hend sie sich idä Chile, wo d Sonja vo ihrem Papi inegfüehrt worde isch.

D Familie und d Fründe vo ihne hend u viel für sie gmacht, dass de Abig richtig luschtig, rüehrend und unterhaltsam gsi isch, aber au s Bruutpaar hed dezue bitreid dass ganz sicher alli unterhalte worde sind..:-) Afänglich heds nu gheisse es chäm kei Bruuttanz, bis denn plötzlich d Musig us Dirty Dancing agloffe isch, de Silvan d Sonja ade Hand gnu hed und die zwei zumene Medley de wohl beschti Bruuttanz anegleid hend wo ich bis jetzt gseh han! :-)

Ich danke üch zwei vielmal, dass ich de Tag mit üch han dörfe verbringe und uf Bilder festhaltä! :-)