Ruth & Christian

Und scho hed d Hochziitssiason 2014 gstartet! :-) Nachdems im letschtä Jahr im Früehlig so viel und starch grägnet hed bin ich uu froh gsi, dass d Saison i dem Jahr troche agfange hed! Es isch de perfekti Tag gsi für d Ruth und de Christian zum hürate. Es isch nid zheiss und au nid zchalt gsi, gnau richtig dass d Bruut nid früürt und de Brütigam nid schwitzt! ;-) D Natur hed sich vode schönste Siite zeigt und so sind vieli Bilder mit uu schön blüehende Wiesene entstande! D Ruth isch Floristin, was mer ade Bluemedeko dur de ganzi Tag verteilt sehr guet chan erchänne! Natürlich hend drum au ganz viel Detailfotene i de Blogitrag müesse. :-)

Ruth & Christian, danke üch zwei vielmal, dass ich die Stunde i üchem Läbe han dörfe uf Bilder festhaltä!