Ramona & Jim

Im Läbe vode Ramona & Jim ha ich es Jahr voller Liebi mit minere Kamera dörfe begleite. Agfange heds das alles, wo de Jim mier im 2013 geschriebe hed, dass sie meh als es Jahr spöter tägid hürate und mich gärn als ihri Fotografin wettid debii ha. De Jim isch inere Paralellschuelklass vo mier ide Oberstuufe gsi und mier hend üs Jahre nümme gseh. Au d Ramona ha ich nu gar nid kännt gha und ha mich drum sehr gfreut, dass ich die Beide denn amene schöne Summerabig für d Iladigschärtli han dörfe fotografiere, de Jim wiedermal gseh und vor allem sini zuekünftig Frau, d Ramona kännezlerne. Denn, Endi August 2014 isch ihres Hochziit cho und ich ha mit ihne en wunderschöne Tag i minere alte Heimat, de Usserschwyz dörfä verbringä. Im nächste Blogitrag zeig ich üch denn sehr gärn, wies mit ihne wiiter gange isch, aber zerscht wünsch ich üch viel Freud bim aluege vo dene Bilder! :-)