Petra & Sepp

Es Hochziit ufem Stoos, i dere wunderschöne Kapelle ha ich scho sid Ewigkeite wellä erläbe & fotografiere. Im letschtä Jahr, Endi Mai isches denn sowiit gsi. D Petra & de Sepp hend sich i dere wunderschöne Kapelle s Ja-Wort gä und ich bi die uuu glücklich Fotografin gsii, wo das hed dörfe uf Bilder festhaltä. Au de Apéro hend sie denn nu ufem Stoos gnosse bevors denn wiiter gangä isch ufe Rate gu fäschte. Ufem Rate chammer mitemene Helikopter sehr guet landä und drum gids immer wieder Bruutpaar wo mitemene Rundflug überrascht wärdet. E Wuche nachem Hochziit vode Petra und em Sepp ha ich numal ufem Rate dörfe amene Hochziit debii sii und bi beidnä Hochziit sind supergueti Trauzüüge debii gsi wo jewiils en Helikopter für s Bruutpaar organisiert hend. :-) D Petra isch übrigens Floristin mitemene eigenä Gschäft in Unterägeri, wasmer ade Liebi zude Detail bide ganze Dekoration sehr guet erchännt! :-)

Brautkleid: Brautmode Trudy Kälin, Siebnen

Styling Petra: Haare bei Martina von haar genau in Oberägeri; Make-Up von Claudia Caviglia, Die Stilfrage in Eich

Anzug Sepp: Emil Keller Schneiderei, Rapperswil

Blumen: artflor Blumengeschäft in Unterägeri

Ringe: Rhomberg

Kirche: Kapelle Maria-Hilf, Stoos

Pfarrer: Pater Basil, Kloster Einsiedeln

Musik Kirche: Martina Noser (Gesang) und ein Teil ihrer Band "eve`s garden"

Apéro: Alpstubli Stoos von Schelbert Conditorei, Muotathal

Feier: Restaurant Raten, Oberägeri

Musik Feier: Black Creek

Hochzeitstorte: Bäckerei Schnüriger, Rothenthurm