Patricia & Raphael

Alli wo mich au uf Facebook verfolged wüssed glaub wie sehr ich a Brüüt mit Schleier Freud han! :-) Warum gsehnd ier jetzt a dene Bilder mitem schöne Bruutpaar Patricia & Raphael.;-)

Min Treffpunkt isch bi ihne diheime gsi, wo sich de Raphael parat gmacht hed. Aschlüssend sind mier zude Patricia ihrem Elterehuus gfahre wo sich die zwei s erschtä mal gseh hend a dem Tag. En sehr schöne Moment isches gsi! :-)

Hübschi Bruut! :-)

Ier verstönd mich doch weg de Schleierliebi oder? ;-)

Und denn hend die zwei au nu Roseblätter debii gha!Juhuuui!

Wenn öppert scho beidi Trauzüüge mit Partner debii hed und das au nu sone luschtigi Truppe isch dörfmer doch so öppis nöd verpasse ;-)

Patricia & Raphael, ich danke üch, dass ich de Tag für üch han dörfe festhaltä, gnüssid üchi Zuekunft mitenand mit vielne schöne Augeblick!