Patricia & Michi

D Patricia und de Michi hend sich im im letschtä Summer, amene sehr warme Tag s Ja-Wort gä. Sie hend sich für d Trauuig, de Apéro wie au für s Fäscht wunderschöni Plätzli in Schwyz usgsuecht. Nachdem sie d Trauuig im Kapuziner-Kloster gha hend, sind sie en Apéro is Feldi in Schwyz gu gnüsse. De Ort ghört definitiv zu mine Lieblingsapéro-Ort in Schwyz, da s wunderschön, zmitzt in Schwyz gläge isch, vomene super Team gmacht isch und mer schön für sich chan sii. Damit alli Gäst vode Kapelle gmüetlich an Apéro hend chönne,bevor s Bruupaat itrifft, ha ich mit de Patricia & em Michi nach de Trauuig es chliises Shooting dörfe machä. Nachem Apéro sind mier denn numal weg fürnes Shooting, bevors is Point uf Schwyz as Fäscht gangä isch. Au vom Point in Schwyz bi ich sehr sehr begeisteret gsi! Es isch sehr schön dekoriert gsi und hed (bsunders bi so schönem Wetter) sehr viel Charm mit so viel Platz verusse & schöner Ussicht! Nachem Hauptgang sind mier numal schnell chli id Höchi gfahre, zum die wunderschöni Abigstimmig feschtzhaltä. I dere Ziit hed sich d Gsellschaft parat gmacht, zum de Patricia & em Michi en schöne Empfang für ihre Hochziitstanz s bereite. De ganzi Tag isch traumhaft schön & emotional gsi & ich bin sehr dankbar, ha ich de Tag als Fotografin vode Patricia & em Michi dörfe erläbe und gnüssä!

Brautkleid: Brautmode Trudi Kälin, Siebnen

Styling Patricia: Jeannine & Fabienne vom Coiffeur Giaimo, Schwyz

Anzug Michi: Modehaus Schuler, Rothenthurm

Blumen: Reto Ceberg von Blumen am Bach, Brunnen

Ringe: Goldschmiede Benno Heinzer, Schwyz

Kirche: Kaupzinerkloster, Schwyz

Pfarrer: Reto Müller, Schwyz

Musik Kirche: Next Train Home, Zug

Apéro: Herrenhaus Feldli, Schwyz

Feier: Restaurant Point, Schwyz

Musik Feier: Next Train Home, Zug

Hochzeitstorte: Flavio Betschart von der Confiserie Danioth, Altdorf