Nina & Samuel

En wunderschöne Tag hend d Nina & de Samuel Endi Mai gha! Dases sone schöne Tag gid han ich scho dänkt gha, wo d Nina mier gschriebe hed, dases nach de Zivile Trauuig Afang Jahr und de Geburt vo ihrem Schätzi, de Vania jetzt au nu es Fäscht mit allne Fründe und de Familie wend mache. Da min Fründ en guete Kolleg vom Samuel sid sehr langer Ziit isch ha ich mich natürlich bsunders gfreut, dass ich a dem Tag au als Fotografin dörf debii sii! D Nina isch Floristin, was ier a de vielne Detailbilder wo ich üch da dörf zeige ganz sicher erchännid (und bestuunid!;-))! Mit ihrär Schwöster, de Julia füehrt sie de Blog www.syringa.ch wo sie regelmässig all die wunderschöne Sache zeigid wo sie i ihrem Bluemelade z Schwyz verchaufid!:-) Ihre schöni Tag hend die zwei diheime ganz entspannt gstartet. Die aschlüssendi Trauuig hend sie nur mit ihrer Familie ganz privat und wunderschön ghalte! Nach de Trauuig sind sie denn dusse vo allne Fründe empfange wordä und s Fäscht hed chönne starte. Beidi hend en grossi Familie, mit uu schönem Familiezämehalt, wasmer a dem Tag so schön gmerkt hed, da eigentlich alles vo ihne & ihrne Familie vorbereitet, dekoriert und gmacht worde isch! Ich wür säge sonen perfekti "DIY wedding"! :-)

Nina & Sam, danke üch zwei vielmal, dass ich au als Fotografin a üchem so schöne Tag gfüllt mit Liebi, Glück und so viel Zfriedeheit & Dankbarkeit han dörfe debii sii! <3