Mirjam & Benjamin

Ide letschtä Saison ha ich nu a so vielnä schöne Hochziite dörfe debii sii wo ich üch natürlich uf kei Fall wetti vorenthaltä. Da zeig ich üch grad sehr gärn en Iblick is Hochziit vode Mirjam und em Benjamin. Es isch sehr en entspannte, unkomplizierte und schöne Tag gsi, wo ich mit ihne han dörfe erläbe. Näbem Ehering hed nu es anders bsunders Schmuckstück d Mirjam a ihrem schöne Tag begleitet. Sie hed de über 100-jährig Verlobigsring vo ihrem Urgrosi treid. S Ja-Wort hend sich die Zwei ide wunderschöne Michaelskreuz-Kapelle inere sehr persönlich gstaltete Trauuig gä. Rund um die schöni Kapelle ha ich denn au s Shooting mit ihne Zwei dörfe mache. Damit alles chli entspannter gsi isch und nid grad alli Gäst am zueluege gsi sind hend mier s Shooting geg de Abig, grad nachem Apéro und bim schönschtä Liecht iplanet, was sich sehr glohnt hed. :-) Mirjam & Benjamin, ich danke üch numal vo ganzem Härze, dass ich die Augeblick vo üchem schöne Tag für üch han dörfe fotografiere.