Manuela & Markus

Und da wär wiedermal die Hochziits Gsellschaft wo ich scho sehr guet känne und eifach super finde! Die meiste devo ha ich scho kännt vom Hochziit vom Peter & de Yvonne (de Peter isch am Markus sin Brüeder), denn vode Anita & em Thomas (de Thomas isch Trauzüüg gsi bim Peter und en Kolleg vom Markus) und au s Hochziit vode Yvonne ihrem Brüeder, em Philippe und de Amanda, dete sind d Yvonne & de Peter debii gsi! :-) So, das wärs jetzt glaubs! Chömed ier nu drus? :-) Wenn nid, isches au nid schlimm, denn verzell ich üch nu chli vom schöne Herbsthochziit vode Manuela & am Markus! :-)

Es isch wiedermal id Usserschwyz gange, wo ich ufgwachse bin! D Manuela hed sich bi ihre diheime parat gmacht und gwartet bis denn de Markus cho isch. Wie ier gsehnd isch er hell begeisteret gsi vo sinere Manuela :-)

Ufem Weg zude Kapelle hend mier denn überall chli aghalte zum es paar Bilder z mache.

D Trauuig hends denn ide schöne Kapelle Sattelegg gha mit aschlüssendem Apéro.

D Mamis....:-)

Spöter sinds is Schäfli uf Siebnen wo tanzt und gfäschtet worde isch bis niemert meh hed möge :-)

So, und das wär jetzt äbe d Yvonne, ier wüssid doch vom Hochziit Yvonne & Peter! :-):-) Nächst Jahr bin ich den scho wieder amene Hochziit debii wo ich sie zwei dörf gseh! :-D Danke üch zwei, Manuela & Markus vielmal, dass ich a üchem Tag han dörfe debii sii und alles uf Bilder festhaltä! :-)