Manuela & Mario

En wunderschöne Tag im Läbe vode Manuela & em Mario han ich das Jahr als Fotografin dörfe begleite! Fotografisch gstartet hend mier de Tag grad mit em Shooting vo ihne drüü, das heisst mit ihrem chliine Schatz, em Leandro! Alli wo min Blog fliessig am läse und am aluege sind: Ja genau, ier kännid die drüü scho, ich han nämlich scho es Familiezuewachs Shooting mit ihne dörfe mache! :-) Es sind grad es paar Lüt hinder mim Rugge gstande und hend alles gä bis de chlini Maa sin Charme uspackt und afe strahlä hed! :-) D Manuela isch en wunderschöni Bruut gsi imene richtige Prinzässinächleid wo ihre so so guet cho isch! Nach ihrer Trauuig hend sie en Apéro z Schwyz gha und sind den aschlüssend mit de Kutsche uf Brunnen bracht wordä womer zerscht nu die schöni Stimmig am See hend chönne ifangä bevor s Fäscht mitere super Gsellschaft losgange isch! Manuela & Mario, ich danke üch zwei numal vo ganzem Härze für de schöni Tag!