Irene & Peter

Während ich de Blogitrag am schriebe bin gnüssed die zwei jetzt grad ihri Fitterwuche uf de Maledive! :-) D Irene isch ursprünglich vo Bern und isch für ihri grossi Liebi, em Peter in schöni Kanton Schwyz cho! :-) Agfange hed min Tag mit ihne bim Coiffeur und nachher bim Peter sim Elterehuus, wo sich d Irene parat gmacht hed. Immer wieder bin ich sehr gärn scho bide Vorbereitige debii, da d Stimmig, die schöni Spannig und au chli de Gwunder uf de schöni Tag immer sehr guet z gspüre isch. Nachdem sich die zwei denn gseh hend, simmer z Lauerz gu fotografiere bevor sich denn alli ufe Wäg gmacht hend. S Ja-Wort hend sie sich ide Michaelschrüzkapelle gä, en Kapelle wo sicher vieli vo üch kännid. Nachemene feine Apéro hend sie denn im Hotel Aesch in Walchwil bi super Stimmig wiitergfiired. :-)

Irene & Peter gnüssid üchi Ziit uf de Maledive i volle Züg! Ich wünsche üch für üchi Zuekunft nur s Beschti und danke üch vielmal, dass ier mich als üchi Fotografin usgläse hend. :-)