Ines & Marco

Nachdem sich die beide verlobt hend, hed mir d Ines relativ schnell drufabe gschriebe, dass es bi ihne so wiit isch, und sie mich unbedingt a ihrem Tag wettid debii ha. Für mich isch das en riesigi Ehr, wenn ich so schnell nach de Verlobig es Mail oder en Aruef überchumä. Wenn s Datum vom Hochziit nu gar nid definitiv staht und ich mal agfragt wirdä, a welnä Täg ich nu keis Hochziit han. Ich hätt mier das nie erträumt, dass ich eines Tages wird Brutpaar ha, wo ihres Hochziit ufnä Tag nämid, wo ich nu frii bin, so dass ich au ganz sicher chan debii sii! Ich hätts mier au nie erträumt, dass ich denn aligs eini vode erste Persone bin, wo vo dem bevorstehende Hochziit weiss & mich scho im Gheime, ohni öppertem z verrate, dörf druf freue. Es isch immer wieder en riesig grossi Eher & Freud für mich, und laht mis Härz grad chli fescht strahlä . :-) So isches au bi de Ines & em Marco gsi. Ich ha mich ab de erstä Nachricht vo de Ines scho usinnig fescht uf de Tag gfreut, und je meh Details bekannt wordä sind, desto grösser isch natürlich au mini Vorfreud wordä uf de Tag mit dem ganz sicher wunderschöne Bruutpaar. D Ines und de Marco hend sich zum erstä Mal a ihrem schöne Tag i de Chile gseh. Nach de Trauuig hend sie grad vor de wunderschöne Kollegium-Chile z Schwyz en Apéro gnosse. Nachem Apéro isch es uf Weggis is Campus Hotel Hertenstein gangä, wo ich sie am See han dörfe fotografiere, bevor denn s Ässe agfange hed. So wie mier üs das erhofft hend, heds denn au aschlüssend en sehr schöne Sunneuntergang gä, wo mier nu einisch für nes churzes Shooting gnutzt hend, bevor denn ihri super Party gstartet hed.

Brautkleid: Chez Janine, Bubikon

Styling Ines: Coiffure Hirt by Martina & Kristina, Brunnen (Haare); Sandra Meli, Lemontree Cosmetic & Nail, Brunnen (MakeUp)

Anzug Marco: D & S Herrenmode, Schwyz

Blumen: Blumen Müller, Schwyz

Ringe: Rhomberg, Seewen

Kapelle: Kantonsschule Kollegium, Schwyz

Pfarrer: Bruder Gebhard Kurmann, Kapuzinerkloster Schwyz

Musik Kirche: Nuria Richner mit Begleitung

Apéro: Kantonsschule Kollegium, Schwyz von Beck Roman, Ibach

Feier: Campus Hotel Hertenstein, Hertenstein

Musik Feier: DJ Hüftspäck, Fabian Küng

Hochzeitstorte: Patisserie Park Hotel Vitznau