Fränzi & Markus

Und plötzlich, ziemlich all Jahr während de Hochziit Saison wird ich druf agsproche wenn ich denn wieder en Blogitrag veröffentliche...:-D Und jedes Mal freu ich mich immer wieder z gmerke, dass ier tatsächlich regelmässig gönd gu luege ob en nüüe Itrag online isch, freue mich jedes Mal, zgmerke dases üch, liebi Blogläser würklich gid und das ich a Mänsche mit mine Bilder freud chan mache! DANKE vielmal! Ich weiss ich has scho paarmal gseid, dass ich versueche regelmässig chönne zblogge. Ich säges au jetzt wieder, ich versuechs würklich! Und wenn ich denn wieder drufagsprche wirde freu ich mich trotzdem wieder dass ier liebe Läser mini Iträg vermissid! :-) Sehr sehr gärn zeig ich üch jetzt en chliine Iblick vom schöne Hochziit vom Fränzi & em Markus. Sie hend sich amene wunderschöne Mai-Tag in Amden s Ja Wort gä. Aschlüssend ade Trauuig hend sie en feine Apéro näbet de Chile gha und sind denn wiiter in Richtig Schmerikon, wo Sie en Rundfahrt mit ihrne Gäst ufem Schiff gnosse hend. Am Abig sind sie denn in Bolligen im Hof gu fiire wos es feins Esse und ganz viel gueti Unterhaltig gä hed!

Fränzi & Markus, ich danke üch vo Härze, dass ich üch a üchem schöne Tag mit minere Kamera han dörfe begleite!