Corinne & Lukas

En wunderschöne Tag ha ich im letschtä September mit de Corinne & em Luki dörfe verbingä. Bide Corinne & ihrne Trauzüginnä ha ich de Tag dörfe mit minere Kamera starte und feschthaltä wie sie sich parat macht, bevors imene Oldtimer richtig Trauuig gangä isch. D Trauuig und de Apéro hend im Ital Reding in Schwyz statt gfundä. De Garte vom Ital Reding isch perfekt für nä Trauuig verusse. Es isch gschützt mit Muure und Pflanze usse ume und dur de grossi schöni Baum zmitz inne heds au gnüegend Schatte für Täg wo s chli heisser isch. Nach de sehr emotionale Trauuig, mit wunderschöne selber gschriebnä Eheverspräche, sind sie zu "Time of my Life" vo Dirty Dancing, live gsungä vo "The Reys", richtig Spalier tanzed! Nach em Apéro, wo au super musikalisch begleitet gsi isch vo de Shizzle Brass vo Zug, ha ich mit ihne und all ihrnä Trauzüüge für es Shooting wäg dörfe, bevors denn Richtig Neuägeri as Fäscht gangä isch. Wemmer a d TrendlineLounge in Neuägeri anefahrt fragt mer sich zerscht scho, wo denn da es Hochziitsfäscht chönnti statt findä! Chum isch mer denn aber dinnä, isch d Begeisterig sicher gross! Überne Stäg lauft mehr denn inen wunderschöni, vo Asie inspirierti Location, mitere grosse Bar, Platz für ne Tanzflächi und enere Garteterasse. D Trendline Lounge in Neuägeri isch de perfekti Ort gsi für nes Fäscht, so wie sie sich das vorgstellt hend. Es superfeins Buffet wo mer lang cha ässe und gnüssä und aschlüssend en Party, anere Lag wo mer niemert stört und dur das au sehr lang chan fiirä. :-) Nach em Ässe isch denn de DJ Ecco cho, d Tanzflächi hed sich sehr schnell gfüllt & es isch gfiiret wordä bis in früehe Morgä. :-)

Brautkleid: Jolie-Mode, Root

Styling Corinne: Sabrina Cipolla-Chiara von Coiffeur H2 o, Schwyz (Haare), Visagistin Sarah Zimmermann (MakeUp)

Anzug Lukas: Gränicher, Luzern

Blumen: Blumen Müller, Schwyz

Ringe: Schucklokal, Meggen

Ort der Trauung: Ital Reding Haus, Schwyz

Freie Zeremonie: Gabriela Rub

Musik Trauung: The Reys (www.the-reys.ch)

Apéro: Ital Reding Haus in Schwyz von Beck Roman, Ibach

Musik Apéro: Shizzle Brass, Zug

Feier: TrendlineLounge, Neuägeri (Standort), Restaurant Schiff, Zug (Essen)

Musik Feier: DJ Ecco

Hochzeitstorte: Zuckerbäckerin, Luzern