Carla & Dave

Scho nachem erstä Träffe mit de Carla & em Dave ha ich mich sehr fescht uf ihres Hochziit gfreut. Sie hend mier nämlich dete scho verzellt, dass sie planed im Wald z hürate. Da bin ich natürlich sofort sehr begeisteret gsi. Es paar Wuchä vorem Hochziit bi ich mit ihne de Ort vode Trauuig, so wie em Fäscht gu aluege und bi mit grosser Vorfreud und vielnä Muggestich ( :-) ) wieder hei gangä. Es isch klar gsi, dass d Trauuig nur im Wald chan stattfinde, wenns die ganzi Wuche vorem Hochziit nid grägnet hed. Gnau die Wuche isches denn troche blube und sehr heiss wordä. Au a ihrem schöne Tag isches sehr heiss gsi, aber de Platz im Wald mit viel Schatte und somit gschütz vode Sunne isch perfekt gsi. Am Morge ha ich mich startklar gmacht mit Antibrumm vo Chopf bis Fuess und bi somit parat gsi füre Trauuig im Wald. :-) Au d Carla & de Dave hend super a das dänkt, und am Igang vom Wald es Tischli mit de nötige Utensilie parat gstellt. Wo ich acho bin, bin isch schlicht und eifach überwältiged gsi vo dere wunderschöne Stimmig, im Wald wie au unter de Lüüt wo dete gsi sind & dere u schöne Deko! De ganzi Tag dure isches denn au so wiitergange. En Tag voller Liebi, Glück und Dankbarkeit und en sehr glücklichi Fotografin, mit nur ganz wenige Muggestich. :-)

Brautkleid: Brautmodehaus Schwarzhäusern

Styling Carla: Arte Furioso, Brunnen (Haare), Tiffy`s Skin Care, Brunnen (Make-Up & Nägel)

Anzug Dave: strellson outlet, Kreuzlingen

Blumen: Blumen Müller, Schwyz

Ringe: Trauringschmiede SIngen, Deutschland

Ort der Trauung: Freizeitanlage Heuboden, Holzhäusern

Pfarrer: Joel Suter, Luzern

Musik Kirche: ICF Zentralschweiz Band

Apéro: Heuboden, Holzhäusern

Feier: Heuboden, Holzhäusern

Musik Feier: Ibach HB