Doppelhochziit mit Räge und zwei sehr glückliche Bruutpaar.

Das Jahr han ich mis erschtä Doppelhochziit dörfe fotografiere. D Priska (ganz links wo de Turi ghürate hed) und de Roman (ganz rechts wo d Alexandra ghürate hed) sind Gschwüsterti und hend grad us ihrne Hochziite anstatt zwei Fäschter, eis Fäscht gmacht und sind s vierte uf s Standesamt. Trotz em Räge isches en sehr schöne Tag gsi. Nach dem sich beidi Päärli ufem Standesamt s Ja-Wort gä hend, hend sie bimene Apéro ganz viel Glückwünsch dörfe entgägenä und am Abig mit ihrne Familie wiiterfiire. Ganz hübsch gsi sind natürllich au d Chind vode Alexandra und am Roman, wo sich mit ihrne Chleidli und Bluemechränz richtig usebützled hend!

D Priska isch vo minere liebe Style Shooting Partnerin Gabriela Gwerder vode Gwandelbar gschminkt und frisiert worde! Wunderschön hed sie das wieder gmacht. :-)

Und beidi Trauzüginne hend (ohni dases das vonenand gwüsst hend :-)) anstatt en Bluemestruss sones schöns Bluemearmband gha! Find ich en super schöni Alternative! :-)

Ich danke üch vierne vielmal, dass ich de schöni Tag han dörfe festhaltä! :-)