Brigitte & Ralph

En wunderbare Tag ha ich im Mai mit de Brigitte & em Ralph dörfe verbringä. De Mai isch ja mittlerwiile wettermässig immer me de "nüi April" und macht eifach was er grad will. So chamer im Mai mit allem rächne. Es chan sehr schön & sehr heiss sii, es cha sogar schniie, es chan sehr starch rägne oder es cha, wie bide Brigitte und em Ralph gar nid so schlimm sii wie de Wetterbricht gha hed und defür eifach chli windig und chalt. Öppis wo ich a Hochziite fotografiere so liebe sind die viele nüüe Ort wo ich dörf kännelerne. Sehr viel Ort wo ich selber wahrschindlich gar nid würdi ga, willmers nid kännt oder ohni en Grund nid det ane gaht. Bi ihne Zwei ha ich grad es paar vo dene wunderschöne nüüe Ort dörfe kännelerne, wo ich hoffentlich nu sehr sehr oft chan anega! :-) D Brigitte & de Ralph hend sich für ihre schöni Tag perfekti Ort usgsuecht wo so schön zu ihne und ihrem Tag passt hend. D Trauuig hend sie ide wunderschöne Chilä St.Idda in Bauen gha, ganz ruhig und stimmigsvoll. De Apéro hed im wunderschöne Schloss A Pro in Seedorf stattgfundä und gu fiirä sinds is wunderschöne Boutique Hotel Schlüssel in Beckenried. Wie ier chönd läse, sind das alles WUNDERSCHÖNI Ort & en wunderschöne Tag gsi wo ich mit ihnen han dörfe gnüssä!

Brautkleid: Chez Janine, Bubikon

Styling Brigitte: Himbeerblond, Stephanie Walker, Altdorf

Anzug Ralph: Garzon, Dornbirn, Voralberg

Blumen: Floristikart, Altdorf

Ringe: Goldschmied Walter Triulzi, Altdorf

Kirche: St.Idda, Bauen

Pfarrer: Diakon Ernst Walker

Musik während der Trauung: Eigenartiges, Jasmin Eigen, Walkringen

Standort Apéro: Schloss A Pro, Seedorf

Standort Feier: Boutique-Hotel Schlüssel, Beckenried