Barbara & Adrian

D Barbara & de Adrian hend amene sehr schöne Herbsttag ghürate. Ide wunderschöne Kindli Kapelle z Gersau, wo definitiv mini Lieblingskapelle isch (wo suscht hedmer scho Wald, See und sone unglaublich schöni Atmosphäre?) hend sie sich s Ja Wort gä. Bevors jedoch richtig Trauuig gange isch hend mier nu es paar Bilder gmacht.

Uiii und au bi ihne beiden han ich de Momänt vom erste Blick a dem Tag dörfe fotografiere :-)

Hallo wunderschöni Bruut :-)

Und das isch ihre chliine Sunneschiin de Pascal! Ich hoffe bi allne chömid jetzt: Ohhhh`s & Jöööööh`s!!! ;-) Au für ihn isches en bsundere Tag gsi, es isch nämlich au grad sini Taufi gsi.

Chum simmer fertig gsi heds denn au afe rägne, zum Glück nur solang, bis d Trauig dure gsi isch! :-)

Nach de Trauig sind d Barbara & de Adrian mit ihrne Trauzüge uf s Taxiboot und so uf Brunne wiitergfahre! :-)

Det sind sie denn luutstarch empfange worde ;-)

S Fäscht hend sie denn ide Besebeiz Wyl z Ingenbohl gha, kännid ier vo de wunderschöne Schneewittli-Bruut de Rosita! ;-) Barbara & Adrian, ich wünsche üch vo Härze alles Gueti für üchi Zuekunft, danke dass ich de Tag für üch han dörfe festhaltä! :-)