Angela & Brad

Und scho wieder isch de wunderbari Tag meh als es Jahr här. Was fürnes schöns, Schwiizer-Australischs-Hochziit zmitz im Talchessel isch das gsi! D Angela hed mich grad mal zwei Jahr vor ihrem schöne Hochziit agfragt ob ich a ihrem Hochziit als Fotografin wür debii sii. Zwei Jahr isch ganz schön früeh, aber ich bin da nid die Einzig gsi, wo vo ihre scho so früeh buechet worde isch. Sie isch suscht z Australie Diheimä und hed i dene paar wenige Täg wo sie uf Bsuech bi ihrer Familie z Schwyz gsi isch grad mal ihri ganz Hochziit planet! Z Australie hed sie nämlich ihres Härz an Brad velore und hed nach langen Hin & Herreise ihre Wonsitz det ane gwächslet! :-) Ghürate worde isch aber z Schwyz, ade Angela ihrem ursprüngliche Wohnort, was mich natürlich sehr gfreut hed. Mittlerwiile erwartet die Zwei au scho jede Momänt ihr erschti Nachwuchs und ich freue mich scho sehr druf, wenns denn als Familie wiedermal uf Schwyz chömid. :-)