Lou & Lino

Öppis vom schönstä a mim Bruef isches definitiv, das ich mittlerwiile scho es paar Familie zu mine Chunde chan zellä wo ich immer wieder mit minere Kamera dörf gu bsueche. Cha gseh, wie chliini Wunder zu grosse Gschwüsterti wärdid, wies bim erstä Bsuech nu ganz viel schlafid und bin zweite Bsuech scho ganz eigeni chliini Persönlichkeite sind. Dörf itauche i ihri Wält und s Familieglück uf Bilder für d Ewigkeit chan festhaltä. Eini vo dene Familie isch die vode Lou & em Lino! D Lou ha ich zum erstä Mal dörfe mit minere Kamera gu bsueche, wo sie nu ganz es chliises Baby gsi isch. Mittlerwiile isch sie scho en grossi Schwöster und ich ha vor es paar Mönet scho zum viertä Mal zu ihnä hei dörfe, zum d Lou mit ihrem chliine Brüeder, em Lino z fotografiere. Ich liebes sehr, Shootings verusse ide Natur zmachä aber ich ha au jedes Mal wieder sehr Freud, wenn ich zude Familie hei dörf & d Chind i ihrem gwohntä Umfäld so natürlich wie möglich vor minere Kamera chan ha.