2013

Und scho wieder isch es Jahr ume! Schnell isches gange und für mich gschäftlich eifach nume super gsi. :-) Drum isches natürlich unbedingt wiedermal Ziit üch DANKÄ z säge! Dankä allnä wo min Blog läsid, a allnä wo mich als ihri Hochziitsfotografin wählid, wo mich ihrä Nachwuchs lönd la fotografiere, wo sich sälber lönd vo mier la fotografiere, und allnä wo eifach suscht Momänt vo ihrem Läbe vo mier lönd uf Bilder la festhaltä! Dankä für alli Feedbacks, liebi Nachrichte, Geburts-, Iladigs- und Dankeschärtli, wo mich immer wieder lönd la strahlä. Dank üchne Reaktione und dene immer wieder schöne Ufträg weiss ich ganz genau, dass ich ufem richtige Wäg bin und au dass das wo ich mache, genau i dem Stil isch wo ich wett wiitermache. Ier sind grossartig und ich hoffe au, dass ich im nächste Jahr so viel super Mänsche dörf kännelerne, wiiterhin so viel Liebi & Lebe dörf gspüre und gseh. Vo ganzem Härze DANKÄ! <3 Natürlich dörf de Jahresrückblick nöd fähle, wo ich üch en grosse Teil vo mine Ufträg dörf zeige! :-) Jetzt wünsch ich üch en guete Start ines gsunds, glücklichs, erfüllts und erfolgriichs nüs Jahr und freue mich im nächste Jahr wiiterhin mit minere Kamera dörfe dur s Läbe zgah mit üch.